Пуш уйӑхӗн 7- мӗшӗнче Чӑваш Республикин Шупашкар муниципаллӑ округӗн вӗренӳ, спорт тата ҫамрӑксен политикин управленийӗ, " Чӑваш наци конгресӗн" регионсем хушшинчи общество пӗрлешӗвӗн Шупашкар муниципаллӑ округӗн вырӑнти уйрӑмӗ йӗркеленӗ " Янӑра эс, чӑваш сӑмахӗ" конкурс иртрӗ. Конкурса Телейлӗ ачалӑх ҫулталӑкне, Вӗрентекен тата вӗрентӳҫӗ ҫулталӑкне, И.Я.Яковлев ҫуралнӑранпа 175 ҫул ҫитнине халалланӑ. Ачасем сӑвӑ е проза хӑйлавӗн сыпӑкӗсене каласа пачӗҫ. Конкурс Кӳкеҫри тӗп библиотекӑра иртрӗ. Ҫак конкурса Чурачӑкри пӗтӗмӗшле пӗлӳ паракан тӗп шкулти вӗренекенсем те хутшӑнчӗҫ. Ачасене тӗп библиотекӑра ӗҫлекенсем ӑшшӑн кӗтсе илчӗҫ. Вӗсем вӗренекенсене асамлӑ Чӑваш эрешӗсемпе паллаштарчӗҫ. Ачасем эрешсене сӑрласа илемлетрӗҫ тата чӑваш тӗрри тӗрлеме вӗренчӗҫ. Ҫакӑн пек интереслӗ ӗҫсем тутарнӑшӑн, библиотека ӗҫченӗсене тав сӑмахӗсем калас килет. Конкурса хутшӑнакансене ҫак кун питӗ килӗшрӗ, мӗншӗн тесен вӑл усӑллӑ иртрӗ.
