Ака уйăхĕн вуннăмĕшĕнче районта кĕҫĕн классенче вĕренекен ачасем валли «Туслăх хĕлхемĕ» фестиваль иртрĕ. Фестивале  чăваш чĕлхине аталантарас, ачасене мĕн пĕчĕкрен тăван чĕлхе илемне туйма вĕрентес, хăйсен пултарулăхне аталантарас, аслисене ку ĕçе активлăрах хутшăнтарас   тĕллевпе  йĕркеленĕ. Фестиваль 5 номинаципе иртрĕ. Пирĕн шкул ачисем пур номинацире те хутшăнчĕҫ. Т. Кириллова юптару вуласа пачĕ. А. Мешков чăваш вăййине выляма вĕрентрĕ те 3-мĕш вырăн йышăнчĕ. А.Волкова чăваш юррипе ташшинче маттур пулчĕ, 2-мĕшпе 3-мĕш вырăнсем йышăнчĕ. А.Морозова чăваш апачĕпе паллаштарчĕ, 2-мĕш вырăн йышăнчĕ.  Фестиваль питĕ чаплă иртрĕ. Ачасен асĕнче юлчĕ. Эпир хамăр шкул ачисене саламлатпăр, вĕсемпе мухтанатпăр.